საფრანგეთში ტყის ხანძრების გამო კიდევ 55 ათასი ადამიანია ევაკუირებული
იმედი|imedinews.ge
საფრანგეთის 6 ქალაქიდან კიდევ 55 000 ადამიანის ევაკუაცია განხორციელდა, რადგან ტყის ხანძრები, რომლებმაც მთელ ქვეყანაში დიდი ზიანი გამოიწვია, კიდევ უფრო გაძლიერდა.
ბოლო ევაკუაციები ბორდოს სამხრეთით, ჟირონდის რეგიონში მდებარე ქალაქებში ჩატარდა.
გასული კვირის განმავლობაში ტყის ხანძრების გამო საფრანგეთსა და ესპანეთში ჯამში 330 ათასი ადამიანის ევაკუაცია გახდა საჭირო.
ყველაზე მეტად საფრანგეთი დაზარალდა, სადაც 42 000 ჰექტარი ფართობი დაიწვა, რაც მეორე მსოფლიო ომის შემდეგ ერთ-ერთი უდიდესი ტყის ხანძარია. სპეციალისტების განმარტებით, ცეცხლის გავრცელებას გამომშრალი ბალახი და ქარი უწყობს ხელს.
გაზიარება:
იმედი
წყარო: imedinews.ge