საქართველო - კავკასიის ცენტრი. „იმედის კვირის“ სპეციალური რეპორტაჟი

ალბათ, ბევრს უჩნდება კითხვა, რა რუკებით ხელმძღვანელობენ ევრობიუროკრატები, როდესაც სამხრეთ კავკასიაზე და რეგიონის სტრატეგიულ მნიშვნელობაზე საუბრობენ საქართველოს, როგორც ამ სივრცის ცენტრალური ქვეყნის, გარეშე?! მით უფრო დღეს, როცა ევროპისთვის შუა დერეფნის მნიშვნელობა სულ უფრო იზრდება და საქართველოს როლი ამ პროცესში აშკარად გადამწყვეტია.

ევროპისა და აზიის დამაკავშირებელი ენერგეტიკული და სავაჭრო მარშრუტები, რომლებიც სამხრეთ კავკასიასა და ცენტრალურ აზიაზე გადის, საქართველოს გარეშე პრაქტიკულად ვერ ფუნქციონირებს. სწორედ ამიტომ, თბილისში მიაჩნიათ, რომ ქვეყნის მნიშვნელობის იგნორირება, მიუხედავად ზოგიერთი ევროპელი მაღალჩინოსნის კრიტიკული განცხადებებისა თუ პოლიტიკური პოზიციებისა, რეალურად შეუძლებელია.

შორენა ხვიჩია მოგიყვებათ, ახალი გეოპოლიტიკური რეალობის ფონზე რატომ მიიპყრო განსაკუთრებული ყურადღება ერევანში გამართულ სამიტზე უკრაინული მხარის ინიციატივით გამართულმა შეხვედრამ საქართველოს პრემიერ-მინისტრ ირაკლი კობახიძესა და უკრაინის პრეზიდენტ, ვოლოდიმირ ზელენსკის შორის.