საქართველოში ვიზიტის ფარგლებში მყოფ აზერბაიჯანის თავდაცვის მინისტრს მუხროვანის სამხედრო ბაზაზე უმასპინძლეს
საქართველოში ვიზიტის ფარგლებში, აზერბაიჯანის რესპუბლიკის თავდაცვის მინისტრი, გენერალ-პოლკოვნიკი ზაქირ ჰასანოვი მუხროვანში, მაიორ გელა ჭედიას სახელობის სპეციალური ოპერაციების სარდლობის ბაზას ესტუმრა. სამხედრო ქვედანაყოფში მას საქართველოს ვიცე-პრემიერმა, თავდაცვის მინისტრმა ირაკლი ჩიქოვანმა და თავდაცვის ძალების მეთაურმა, გენერალ-ლეიტენანტმა გიორგი მათიაშვილმა უმასპინძლეს.
სტუმრებმა სპეციალური ოპერაციების სარდლობის ბაზის ინფრასტრუქტურა, სარდლობის შეიარაღება და აღჭურვილობა დაათვალიერეს. შეხვედრაზე მათ სპეციალური ოპერაციების სარდლობის მეთაურმა, პოლკოვნიკმა თეიმურაზ ყლატეიშვილმა სარდლობის საქმიანობა გააცნო და სამახსოვრო დაფა გადასცა.
სამხედრო ქვედანაყოფში, ასევე იმყოფებოდნენ თავდაცვის სამინისტროს სხვა ხელმძღვანელი პირები.
ინფორმაციას საქართველოს თავდაცვის სამინისტროს პრესსამსახური ავრცელებს.
იმედი
წყარო: imedinews.ge