შალვა პაპუაშვილი ოპოზიციაში არსებულ განხეთქილებაზე: როდესაც ესა თუ ის ძალა მიდის ღალატის გზაზე, იქ უკვე თავისთავადია, რომ შიგნით კონფლიქტები წარმოიშობა

როდესაც ესა თუ ის ძალა მიდის ღალატის გზაზე, იქ უკვე თავისთავადია, რომ შიგნით კონფლიქტები წარმოიშობა,- განაცხადა პარლამენტის თავმჯდომარემ შალვა პაპუაშვილმა ჟურნალისტებთან.

მისი თქმით, პრობლემა ოპოზიციის იდეოლოგიაშია, რომელიც არის სხვა ქვეყნის მომსახურების იდეოლოგიაზე დაფუძნებული.

„შხამიანი თესლიდან კარგი ნაყოფი ვერ გაიზრდება. ასე რომ პრობლემა არის მათ საფუძველში, იმაში, რომ მთლიანად იდეოლოგია, რაზეც რადიკალური ოპოზიცია დგას, დგას ანტიქართულ იდეოლოგიაზე, სხვა ქვეყნების მომსახურების იდეოლოგიაზე და არა ქართველი ხალხის ინტერესების მსახურებაზე. აქ ყოველთვის შედეგი იქნება სავალალო, რადგან როდესაც ესა თუ ის ძალა მიდის ღალატის გზაზე, იქ უკვე თავისთავადია, რომ შიგნით კონფლიქტები წარმოიშობა“,- აღნიშნა პაპუაშვილმა.