შალვა პაპუაშვილი სააკაშვილისა და მელიას დაპირისპირებაზე: ეს რადიკალიზმი, რომელსაც თესავენ საბოლოო ჯამში მათ ჭამს და მათივე პრობლემა ხდება. ასე რომ, დაუჭმიათ ერთმანეთი

შალვა პაპუაშვილი მიხეილ სააკაშვილისა და ნიკა მელიას დაპირისპირებას გამოეხმაურა. ჟურნალისტებთან საუბრისას პარლამენტის თავმჯდომარემ აღნიშნა, რომ მსგავსი უთანხმოება ოპოზიციაში ახალი არ არის.

„​ეს პირველად რომ ხდებოდეს ამ ქვეყანაში, რაღაცას კიდევ ვიფიქრებდით, მაგრამ ეს ხომ მუდმივი პროცესია ერთად შეყრის/გაყრის და ამ შეყრას და გაყრას ვაკვირდებით უკვე რამდენი წელია. ასე რომ უკვე ვეღარ გაგვიგია - რა არის გულწრფელი, რა არის ნათამაშევი, რა არის გარედან დაგეგმილი, რა არის სპონტანური. ზოგადად, ეს არის ყველა იმ ადამიანის, პოლიტიკოსის ბედი, რომელიც საკუთარი ქვეყნის ინტერესების წინააღმდეგ მიდის. ეს რადიკალიზმი, რომელსაც თესავენ საბოლოო ჯამში მათ ჭამს და მათივე პრობლემა ხდება. ასე რომ, დაუჭმიათ ერთმანეთი“, - განაცხადა პაპუაშვილმა.