შალვა პაპუაშვილი საქართველო-ამერიკის ურთიერთობებზე: ორ საკითხს გაუსვა ხაზი დელეგაციამ თავის განცხადებაში, ეს არის საერთო ფასეულობებისა და საერთო ინტერესების დადასტურება, იქნება ეს ეკონომიკური, თუ სხვა სახის
ორ საკითხს გაუსვა ხაზი დელეგაციამ თავის განცხადებაში, ეს არის დადასტურება საერთო ფასეულობებისა, რაზეც ჩვენ ვსაუბრობდით ამდენი ხანი და სწორედ ამ ვიზიტმაც დაადასტურა, რომ ჩვენ საერთო ფასეულობებს ვიზიარებთ და ასევე საერთო ინტერესები, იქნება ეს ეკონომიკური, თუ სხვა სახის, - განაცხადა საქართველოს პარლამენტის თავმჯდომარემ შალვა პაპუაშვილმა საქართველო-ამერიკის ურთიერთობებზე საუბრისას.
მისივე თქმით, ორ ქვეყანას შორის ურთიერთობების გადატვირთვისთვის ასევე მნიშვნელოვანია ერთმანეთის ინტერესების აღიარება, საერთო ინტერესების ძიება და ამ ინტერესებზე შეთანხმება.
„სწორედ ამაზე ვსაუბრობთ, როდესაც ვამბობდით, რომ ვაცხადებდით მზაობას ურთიერთობის გადატვირთვასთან დაკავშირებით, რომელიც დაფუძნებული იქნება ორივე ერის ეროვნულ ინტერესებზე და დელეგაციის ეს განცხადება სწორედ ამას ადასტურებს, რომ ჩვენი მიდგომები და წარმოდგენა ამ ორმხრივ ურთიერთობებთან დაკავშირებით რეალიზდა ამ განცხადებიდან გამომდინარე“, - აღნიშნა შალვა პაპუაშვილმა.
იმედი
წყარო: imedinews.ge