შალვა პაპუაშვილი საქართველო-აშშ-ის ურთიერთობაზე: რაც უსამართლობას დაუნგრევია, ის სამართლიანობამ უნდა ააშენოს. ესაა ალბათ ის მოლოდინი, რაც გვაქვს

რაც უსამართლობას დაუნგრევია, ის სამართლიანობამ უნდა ააშენოს. ესაა ალბათ ის მოლოდინი, რაც გვაქვს, - განაცხადა პარლამენტის თავმჯდომარემ შალვა პაპუაშვილმა საქართველო-აშშ-ის ურთიერთობის პერსპექტივაზე.

ჟურნალისტმა ჰკითხა, რა ნაბიჯების გადადგმას აპირებს საქართველოს ხელისუფლება იმ წუხილებზე, რომელიც აშშ-ს აქვს საქართველოს ხელისუფლების მიმართ.

„არ მგონია, რომ ობიექტური და სამართლიანი წუხილი არსებობს ამერიკის შეერთებული შტატების მხრიდან საქართველოს მიმართ. აშშ-სა და საქართველოს შორის ურთიერთობა გააფუჭა თავად აშშ-ის წინა ადმინისტრაციამ. ბაიდენის ადმინისტრაციაა დამნაშავე იმაში, რომ ეს ურთიერთობები დღეს არის ისტორიულ დაბალ წერტილში. გააფუჭა უსამართლობით. რაც უსამართლობას დაუნგრევია, ის სამართლიანობამ უნდა ააშენოს. ესაა ალბათ ის მოლოდინი, რაც გვაქვს. ჩვენ გავუზიარეთ ჩვენი ხედვა, ახლა ჯერი აშშ-ის ადმინისტრაციაზეა“, - აღნიშნა პაპუაშვილმა.