შალვა პაპუაშვილი „თავისუფალ ბიზნესთა ასოციაციის“ განცხადებაზე: არავინ უზღუდავს ბიზნესმენს პოლიტიკურ განცხადებას თუ აზრის გამოთქმას

არავინ უზღუდავს ბიზნესმენს პოლიტიკურ განცხადებას თუ აზრის გამოთქმას, ეს არ ეხება ინდივიდებს, ეს ეხება იურიდიულ პირებს, - განაცხადა საქართველოს პარლამენტის თავმჯდომარემ შალვა პაპუაშვილმა დღეს გამართულ ბრიფინგზე, რითაც გამოეხმაურა „თავისუფალ ბიზნესთა ასოციაციის“ განცხადებას, რომლის თანახმად, ისინი საკონსტიტუციო სასამართლოში შეიტანენ სარჩელს და ამით არაკონსტიტუციურობას მოითხოვს კანონის იმ ჩანაწერის, სადაც ბიზნესმენს ეკრძალება პოლიტიკური შეხედულების დაფიქსირების უფლება.

პაპუაშვილმა აღნიშნა, რომ ასოციაციას აქვს უფლება მიმართოს სასამართლოს და სასამართლო განსჯის.

„როდესაც ცდილობენ გარე დაფინანსებითა და წაქეზებით საქართველოში შუღლის დანერგვას, საზოგადოების გახლეჩვას, ფაშისტური იდეოლოგიის შემოტანას საქართველოში, ამ დროს მნიშვნელოვანია, რომ ბიზნესს, (იურიდიული პირები) როგორც საწარმოს, მომხმარებლების მიმართ ჰქონდეს თანაბარი მოპყრობა, თანაბარი განწყობა, მისი პოლიტიკური განწყობის გამო არ შეუქმნას მტრული გარემო მოქალაქეებს“, - აღნიშნა შალვა პაპუაშვილმა.