შალვა პაპუაშვილი თელავში, სტიქიის ზონაში ჩავიდა

თელავში, სტიქიის ზონაში საქართველოს პარლამენტის თავმჯდომარე შალვა პაპუაშვილი ჩავიდა. შალვა პაპუაშვილის თქმით, სტიქიის შედეგად ქალაქისთვის მიყენებული ზიანი აღირიცხება და სახელმწიფო შესაბამის ზომებს მიიღებს. თელავში, მძიმე ტექნიკის მუშაოების პარალელურად მობილიზებულია ცოცხალი ძალა, რეგიონის მუნიციპალიტეტების წარმომადგენლებისგან დაკომპლექტებული მოხალისე ჯგუფების სახით. სტიქიის სალიკვიდაციო სამუშაოებში ასევე ჩაერთნენ „ქართული ოცნების" ახალგაზრდული ორგანიზაციის წარმომადგენლები ვარლამ ლიპარტელიანის ხელმძღვანელობით. შალვა პაპუაშვილი მოხალისეთა ჯფუფს შეხვდა და არსებული მდგომარეობის შესახებ ინფორმაცია მოისმინა. თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები, დაზიანდა ელექტროგადამცემი ხაზები. ასევე დაზიანებულია საგზაო ინფრასტრუქტურა, რომლის პირველადი გაწმენდითი სამუშაოები მიმდინარეობს.

ინფორმაციას საქართველოს პარლამენტის პრესსამსახური ავრცელებს.