შვეიცარიაში, რკინიგზის სადგურზე დანით შეიარაღებული მამაკაცი გამვლელებს თავს დაესხა
იმედი|imedinews.ge
შვეიცარიის ქალაქ ვინთერთურის რკინიგზის სადგურზე დანით შეიარაღებული მამაკაცი გამვლელებს თავს დაესხა. ინფორმაციას CNN-ი ავრცელებს.
ტელეარხის ცნობით, თავდამსხმელმა სამი ადამიანი დაჭრა, რის შემდეგაც ის პოლიციამ დააკავა. თავდამსხმელი 31 წლის შვეიცარიის მოქალაქეა.
შვეიცარიული გაზეთი Blick-ი იუწყება, რომ თავდასხმისას მამაკაცი არაბულ ენაზე ფრაზას „ღმერთი დიდებულია“ გაიძახოდა.
დაჭრილები საავადმყოფოში არიან გადაყვანილნი. რკინიგზის სადგურზე საგამოძიებო მოქმედებები ამ დრომდე ტარდება.
გაზიარება:
IM
იმედი
წყარო: imedinews.ge