სომხეთის ეროვნული კრების თავმჯდომარე : ახლა სომხეთს ასევე აქვს კავშირი ევროკავშირთან, საქართველოსა და თურქეთის ტერიტორიების გავლით

დღეს სომხეთს აქვს სარკინიგზო კავშირი რუსეთთან საქართველოსა და აზერბაიჯანის ტერიტორიების გავლით, ხოლო შემდგომ - ჩინეთთან, რუსეთისა და ყაზახეთის ტერიტორიების გავლით. ახლა მას ასევე აქვს კავშირი ევროკავშირთან, საქართველოსა და თურქეთის ტერიტორიების გავლით, - წერს სომხეთის რესპუბლიკის ეროვნული კრების თავმჯდომარე ალენ სიმონიანი სოციალურ ქსელში. ამით ის ახალქალაქი-ყარსის სარკინიგზო სავაჭრო მარშრუტის გახსნას გამოეხმაურა.

— Alen Simonyan (@alensimonyan) May 24, 2026

„უახლოეს მომავალში ამოქმედდება სომხეთი-თურქეთისა და სომხეთი-აზერბაიჯანის რკინიგზები, რასაც მოჰყვება სომხეთი-ირანის სარკინიგზო ხაზი ნახიჩევანის გავლით. ამ მოვლენებს ჩვენ უახლოეს მომავალში ვიხილავთ, რაც TRIPP [ტრამპის მარშრუტი საერთაშორისო მშვიდობისა და კეთილდღეობისთვის] პროექტის იმპლემენტაციის შედეგი იქნება“, - წერს სიმონიანი.

მანამდე ნიკოლ ფაშინიანმა განაცხადა, რომ სომხური პროდუქციის ექსპორტისა და იმპორტისთვის, აზერბაიჯანის მიმართულების შემდეგ, საქართველოს გავლით თურქეთის რკინიგზაც გაიხსნა.