სომხეთში, არჩევნებისთვის ქვეყანაში სომხეთის მოქალაქეების ჩაყვანის ორგანიზების ბრალდებით, რუსეთთან დაკავშირებული ბიზნესმენი დააკავეს
სომხეთში დააკავეს პირი, რომელიც რუსეთში ბიზნესასოციაციას ხელმძღვანელობს. მას ბრალად 7 ივნისის არჩევნებისთვის ქვეყანაში სომხეთის მოქალაქეების ტრანსპორტირების ორგანიზების დაგეგმვა ედება.
საგამოძიებო კომიტეტის მიერ გავრცელებულ პრესრელიზში ნათქვამია, რომ გამოძიების თანახმად, ა.გ., რომელიც რუსეთის სომხური ბიზნეს საბჭოს ვიცე-პრეზიდენტის თანამდებობას იკავებს, რუსეთიდან სომხეთში 2026 წლის 31 მაისს ჩავიდა. ის, სავარაუდოდ, ტელეგრამის საშუალებით დაჰპირდა რუსეთში მცხოვრებ სომხებს უფასო ტრანსპორტირებას, რათა უზრუნველეყო მათი მონაწილეობა საპარლამენტო არჩევნებში.
ეჭვმიტანილი, რომლის ვინაობაც არ სახელდება, დაკავებულია.
ამჟამად მიმდინარეობს საგამოძიებო მოქმედებები აღნიშნულ სქემაში ჩართული სხვა თანამონაწილეების გამოსავლენად და დასაკავებლად.
სხვა დეტალები ამ დროისთვის უცნობია.
იმედი
წყარო: imedinews.ge