სომხეთში ოპოზიციური პარტიების წევრები დააკავეს

სომხეთში ოპოზიციური პარტიის, „ძლიერი სომხეთის“ ექვსი წევრი დააკავეს. ინფორმაციას სომხური მედია ქვეყნის საგამოძიებო კომიტეტზე დაყრდნობით ავრცელებს.

უწყების ცნობით, დეპუტატები სისხლის სამართლის საქმის ფარგლებში 6 ივნისს დააკავეს და უკავშირდება რამდენიმე პირის მატერიალურ წახალისებასა და განსაკუთრებით დიდი ოდენობით ფულის გათეთრების ფაქტებს.

დღეს კი, 05:00 საათზე დაიწყო ჩხრეკა ბლოკ „სომხეთის“ შტაბ-ბინაში, ხოლო დეპუტატობის კანდიდატი ჰასმიკ საჰრადიანი სამართალდამცველებმა დააკავეს. მედიის ცნობით, ჩხრეკა ასევე ტარდება ადამიანის უფლებათა დამცველის, კარაპეტ პოღოსიანის ბინაში და „ძლიერი სომხეთის“ შტაბ-ბინაში.

ცნობისთვის, სომხეთში დღეს საპარლამენტო არჩევნები მიმდინარეობს.