სოფიო ქაშაკაშვილი პროდუქციის გაიაფებაზე: გრძელვადიან პერსპექტივაში კიდევ ბევრი არის გასაკეთებელი, ვგულისხმობ პირველ რიგში ლოჯისტიკური ცენტრების განვითარებას და შიდა ლოჯისტიკის განვითარებას ქსელების მხრიდან

გრძელვადიან პერსპექტივაში კიდევ ბევრი არის გასაკეთებელი, ვგულისხმობ პირველ რიგში ლოჯისტიკური ცენტრების განვითარებას და შიდა ლოჯისტიკის განვითარებას ქსელების მხრიდან, - განაცხადა გადაცემაში „იმედის კვირა“ „რითეილ ასოციაციის“ აღმასრულებელმა დირექტორმა სოფიო ქაშაკაშვილმა ფასების შემსწავლელი დროებითი საპარლამენტო კომისიის მიერ შემუშავებულ რეკომენდაციებსა და პროდუქციის გაიაფების გზებზე საუბრისას.

მისივე თქმით, შემდეგი აუცილებელი ნაბიჯია ადგილობრივი წარმოების განვითარება, რაზეც კიდევ აქტიურად გაგრძელდება მუშაობა გარემოს დაცვის და სოფლის მეურნეობის სამინისტროსთან ერთად.

„ჩვენს ქსელებსაც ჰყავთ დაკონტრაქტებული თავიანთი ფერმერები და ადგილობრივი მწარმოებლები. მნიშვნელოვანია მიწოდების ჯაჭვის ყველა მონაწილე ჩაერთოს ამ პროექტში. ვგულისხმობ დისტრიბუტორებს, მიმწოდებლებს, ადგილობრივ მწარმოებლებს, თავისი მხრიდან შესაძლებლობის ფარგლებში შესაბამისი დათმობების გაწევა მიწოდების ჯაჭვის რგოლის ყველა მონაწილის პასუხისმგებლობაა“, - აღნიშნა სოფიო ქაშაკაშვილმა.