სპორტის მინისტრი ევროპის სპორტულ ჟურნალისტთა ასოციაციის ახალ გენერალურ მდივანს, ზურაბ თალაკვაძეს შეხვდა
საქართველოს სპორტის მინისტრი შალვა გოგოლაძე ქართველ სპორტულ ჟურნალისტსა და კომენტატორს - ზურაბ თალაკვაძეს შეხვდა.
სამინისტროს ინფორმაციით, მინისტრმა მას ევროპის სპორტულ ჟურნალისტთა ასოციაციის გენერალურ მდივნად დანიშვნა მიულოცა და წარმატებული საქმიანობა უსურვა. ზურაბ თალაკვაძე ასევე იკავებს საქართველოს სპორტულ ჟურნალისტთა ასოციაციის გენერალური მდივნის პოსტს.
შვეიცარიის ქალაქ ლოზანაში მსოფლიოს სპორტულ ჟურნალისტთა ასოციაციის 88-ე გენერალური ასამბლეა გაიმართა, რომელზეც ევროპის სპორტულ ჟურნალისტთა ასოციაციის გენერალურ მდივნად ზურაბ თალაკვაძე აირჩიეს, ახალ პრეზიდენტად კი - ფრანგი მარკ ვენტულიაკი. ქართველი სპორტული ჟურნალისტი წლების მანძილზე ევროპის სპორტულ ჟურნალისტთა ასოციაციის აღმასრულებელი კომიტეტის წევრი იყო.
სპორტის სამინისტროში გამართულ შეხვედრას სპორტის მინისტრის პირველი მოადგილე ირაკლი მეძმარიაშვილი და საქართველოს სპორტულ ჟურნალისტთა ასოციაციის პრეზიდენტი გიგა გვენცაძე ესწრებოდნენ.
იმედი
წყარო: imedinews.ge