სულხან თამაზაშვილი: მადლობა მინდა გადავუხადო ბატონ პრემიერ-მინისტრს ახალი მანდატისთვის, ნდობისთვის და მინდა მივულოცო რა თქმა უნდა ღირსეულ ადამიანს - ბატონ ზურას თავმჯდომარედ დამტკიცება
შინაგან საქმეთა მინისტრმა სულხან თამაზაშვილმა, აჭარის ავტონომიური რესპუბლიკის მთავრობის ახალ თავმჯდომარეს თანამდებობაზე დამტკიცება მიულოცა და მომავალ საქმიანობაში წარმატებები უსურვა.
სულხან თამაზაშვილმა, ასევე, პრემიერ-მინისტრს ირაკლი კობახიძეს, შინაგან საქმეთა მინისტრის პოზიციაზე მისთვის გამოცხადებული ნდობისთვის კიდევ ერთხელ მადლობა გადაუხადა.
„დიდი მადლობა ბატონო პრემიერო, რომ ერთი წელი მომეცა შესაძლებლობა ჩემს რეგიონში, ჩემს მხარეში საქმიანობის. მადლობა მინდა გადაგიხადოთ თითოეულ თქვენგანს ერთგულებისთვის, თანადგომისთვის. მადლობა მინდა გადავუხადო ბატონ პრემიერ-მინისტრს ახალი მანდატისთვის, ნდობისთვის და მინდა მივულოცო, რა თქმა უნდა, ღირსეულ ადამიანს - ბატონ ზურას თავმჯდომარედ დამტკიცება. ის არის ძალიან გამოცდილი ადამიანი, მას აქვს ძალიან საინტერესო და მნიშვნელოვანი პრაქტიკა გავლილი და დაგროვებული. როგორც დიპლომატიურ მისიებში, ასევე, მის რეგიონში, მოგეხსენებათ თავმჯდომარე იყო რამდენიმე წლის განმავლობაში. ეს ყველაფერი, რა თქმა უნდა, მას გამოადგება, ისევ ჩვენი რეგიონის განვითარებისთვის, მას ექნება ჩემი სრული მხარდაჭერა უკვე როგორც შინაგან საქმეთა მინისტრის პოზიციიდან და წარმატებებს გისურვებთ“, - განაცხადა შინაგან საქმეთა მინისტრმა სულხან თამაზაშვილმა.
