ტაივანში BTS-ის ფანებმა ბილეთებისთვის ილოცეს

ტაივანში BTS-ის ფანებმა იუე ლაოს - ტაოისტურ სიყვარულისა და ქორწინების ღმერთს ჯგუფის მომავალი კონცერტების ბილეთების შოვნაში დახმარება სთხოვეს.

კეი-პოპ ჯგუფის თაყვანისმცემლები ტაიბეიში მდებარე ბანგკა ლუნშანის ტაძარს ესტუმრნენ. მათ თან მიიტანეს იასამნისფერ შეფუთვაში მოთავსებული ტკბილეული, BTS-ის ატრიბუტიკა, კონცერტის დასაჯდომი ადგილების რუკები და სურვილების სიები. იასამნისფერი ფერი მყარად ასოცირდება BTS-თან და მის ფანებთან.

ფანებმა ნივთები საკურთხეველზე დააწყვეს და ადგილების მოსაპოვებლად ილოცეს. ზოგიერთი მათგანის თქმით, BTS-ის კონცერტის ბილეთების შოვნა იმდენად რთულია, რომ იმედოვნებენ, ღვთაებრივი დახმარება მათ შანსებს გაზრდის.

BTS-ი ტაივანში 3 კონცერტს ნოემბრის ბოლოს გამართავს.