თბილისის საქალაქო სასამართლომ ძალადობაში მონაწილე ორ ძალოვანს აღკვეთის ღონისძიების სახით პატიმრობა შეუფარდა
თბილისის საქალაქო სასამართლომ ძალადობაში მონაწილე ორი ძალოვნისთვის აღკვეთის ღონისძიების შეფარდებაზე იმსჯელა.
ლევან ხაბეიშვილის მიმართ განხორციელებული ძალადობისთვის სახელმწიფო უსაფრთხოების სამსახურის სპეციალური ოპერაციების დეპარტამენტის ერთ-ერთ ხელმძღვანელს და შსს-ს განსაკუთრებულ დავალებათა დეპარტამენტის ყოფილ თანამშრომელს პატიმრობა შეეფარდათ.
ორივე მათგანმა წარდგენილი ბრალი აღიარა. სასამართლო სხდომა დახურული იყო. ბრალდებულებმა საქმის მასალების გაუთქმელობაზე მოაწერეს ხელი. მათ ადვოკატები არ იცავდნენ.
საქართველოს პროკურატურამ 2024 წელს მიმდინარე აქციების დროს, ზვიად მაისაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე, დაკავებულ ხუთივე პირს გ.კ.-ს, ზ.ჩ.-ს ა.ბ.-ს, ტ.ბ.-ს და გ.ბ.-ს ბრალდება წარუდგინა.
იმედი
წყარო: imedinews.ge