თბილისის საქალაქო სასამართლოში ე.წ. საბოტაჟის საქმეზე ბრალდებული პოლიტიკოსების პროცესი მიმდინარეობს, დღევანდელ სხდომაზე ბრალდების მხარის შვიდი მოწმე დაიკითხება
თბილისის საქალაქო სასამართლოში ე.წ. საბოტაჟის საქმეზე ბრალდებული პოლიტიკოსების პროცესი მიმდინარეობს. დღევანდელ სხდომაზე ბრალდების მხარის შვიდი მოწმე დაიკითხება. პროცესი დახურულია. ბრალდებული პოლიტიკოსების ნაწილი სხდომაზე იმყოფება, სხვა საქმეზე მსჯავრდებული პოლიტიკოსებიდან კი პროცესს მხოლოდ მიხეილ სააკაშვილი ესწრება.
„დღევანდელი პროცესი გაგრძელდება უშუალოდ მოწმეთა დაკითხვით. დღეს დაიკითხება 7 პირი. დაიკითხებიან საგამოძიებო მოქმედებების მონაწილე პირები, რომლებიც პარტიების ოფისების ჩხრეკებში მონაწილეობდნენ. ასევე, დაიკითხება პარლამენტის წარმომადგენელი, რომელიც უშუალოდ პარლამენტის ფუნქციონირების შეწყვეტასთან და მიყენებულ ზიანთან დაკავშირებით მოგვაწვდის ინფორმაციას. ასევე, დაიკითხებიან გამომძიებლები, რომლებიც დანაშაულის ადგილზე იმყოფებოდნენ. ამ საქმეში არის არაერთი მტკიცებულება. მათ შორის, ვიდეოჩანაწერები, საჯაროდ გავრცელებული ინფორმაცია მათი მოწოდებების შესახებ. ასევე, უშუალოდ არაერთი გამომძიებლისგან მოწოდებული ინფორმაცია მათი ძალადობრივი ქმედებების შესახებ“, - განუცხადა ჟურნალისტებს პროკურორმა ანი ხუბეჯაშვილმა.
იმედი
წყარო: imedinews.ge