თბილისში 11 ივლისს ამერიკული საჭიდაო ორგანიზაცია RAF-ის ღონისძიება გაიმართება - მერაბ დვალიშვილი უკვე თბილისშია

მსოფლიო შოუ ამერიკიდან საქართველოში - ოლიმპიური და მსოფლიო ჩემპიონები, MMA-ის ვარსკვლავები და უმაღლესი დონის სპორტსმენები. თბილისში 11 ივლისს ამერიკული საჭიდაო ორგანიზაცია RAF-ის ღონისძიებაა დაგეგმილი.

პირდაპირ ტრანსლაციას ტელეკომპანია „იმედი“ შემოგთავაზებთ.

ქართველი სპორტსმენები დიდი გამარჯვების მოლოდინში არიან, სწორედ ამ მიზნით ცოტა ხნის წინ საქართველოში ჩამოვიდა მერაბ დვალიშვილი. ის მთავარ დაპირისპირებაში ჰენრი სეხუდოს ეჭიდავება.

დვალიშვილს თბილისის საერთაშორისო აეროპორტში გულშემტკივრები დახვდნენ.