თბილისში, მეტეხის ქუჩაზე ხანძარი იყო, დაშავდა ერთი ადამიანი
იმედი|imedinews.ge
თბილისში, ავლაბრის მეტროს მიმდებარედ, მეტეხის ქუჩაზე, გვიან ღამით ხანძარი გაჩნდა. ცეცხლი საცხოვრებელი კორპუსის გადახურვასა და მესამე სართულზე ერთ-ერთ ბინას გაუჩნდა. ადგილზე მეხანძრე-მაშველები ოპერატიულად იყვნენ მობილიზებული.
საგანგებო სიტუაციების მართვის სამსახურის ინფორმაციით, სალიკვიდაციო სამუშაოებში 15 სახანძრო-სამაშველო ეკიპაჟი მონაწილეობდა. ცეცხლის ლოკალიზება დროულად მოხერხდა, დაშავდა ერთი მოქალაქე, ის სასწრაფო სამედიცინო დახმარების ბრიგადამ კლინიკაში გადაიყვანა, სადაც შესაბამისი სამედიცინო დახმარება ჩაუტარდა. ხანძრის გამომწვევი მიზეზი ამ ეტაპზე უცნობია. შემთხვევის გარემოებებს შესაბამისი სამსახური იძიებს.
გაზიარება:
იმედი
წყარო: imedinews.ge