თელავის, ჭიათურის, გარდაბნის და თბილისის სკოლების პროექტირება-რებილიტაციისთვის ტენდერი გამოცხადდა

ინფრასტრუქტურის სამინისტროს მუნიციპალური განვითარების ფონდის მიერ გამოცხადებული ტენდერები ითვალისწინებს 350 მოსწავლეზე გათვლილი თელავის მუნიციპალიტეტის სოფელ ფშაველის საჯარო სკოლის, ჭიათურის №2 750 მოსწავლეზე გათვლილი სკოლის, გარდაბნის მუნიციპალიტეტის სოფელ ახალსოფლის 300 მოსწავლეზე გათვლილი სკოლის და 1000 მოსწავლეზე გათვლილი თბილისის №64 სკოლის რეაბილიტაციას, - აღნიშნულია სამინისტროს მიერ გავრცელებულ ინფორმაციაში.

მათივე განცხადებით, დაგეგმილია სკოლების შენობების ტექნიკური მდგომარეობის შესწავლა, რეაბილიტაცია-რეკონსტრუქციის შესაძლებლობი განსაზღვრა, საპროექტო დოკუმენტაციის მომზადება და აღდგენითი სამუშაოების განხორციელება.

„მომზადებული პროექტების ფარგლებში განისაზღვრება შენობების არქიტექტურა, კონსტრუქციები, საინჟინრო სისტემები და ინფრასტრუქტურის განახლების ეტაპები.

საჯარო სკოლების რეაბილიტაცია მოიცავს შენობების სასწავლო და ადმინისტრაციული სივრცეების, გათბობის, ვენტილაციისა და წყალმომერაგების სისტემების განახლებას, ტერიტორიის კეთილმოწყობას და უსაფრთხოების ნორმების დაცვას. ტენდერების შესახებ დეტალური ინფორმაცია შეგიძლიათ იხილოთ ფონდის ვებ-გვერდზე: https://mdf.org.ge/ge/tenders“, - აცხადებენ სამინისტოში.