თელ-ავივში ანტისამთავრობო აქცია გაიმართა
იმედი|imedinews.ge
თელ-ავივში, ჰაბიმას მოედანზე დაახლოებით 1000 ადამიანი შეიკრიბა. ისინი აპროტესტებდნენ მთავრობის მცდელობას, საკანონმდებლო დონეზე დაამტკიცოს ულტრაორთოდოქსი ებრაელების გათავისუფლება სამხედრო სამსახურისგან. ასევე, აქციის მონაწილეებმა გააპროტესტეს მთავრობის უარი, შეიქმნას სახელმწიფო საგამოძიებო კომისია 2023 წლის 7 ოქტომბრის „ჰამასის“ თავდასხმასთან დაკავშირებული ჩავარდნების გამოსაძიებლად.
მიტინგი ორგანიზებულია „ხარისხიანი მმართველობის მოძრაობის“ მიერ. სწორედ ამ ორგანიზაციამ მიმართა უმაღლეს სასამართლოს მოთხოვნით, დაავალდებულოს მთავრობა, გაიწვიოს ულტრაორთოდოქსი სტუდენტები ჯარში და შექმნას სახელმწიფო საგამოძიებო კომისია.
გაზიარება:
იმედი
წყარო: imedinews.ge