თენგიზ შარმანაშვილი: აქვეყნებენ რეიტინგებს, რომ ყველა მიმართულებით მოწინავე პოზიციებზე ვართ და კიდევ ჩვენ გვეუბნებიან, რომ უკუსვლის პროცესში ვართ

აქვეყნებენ რეიტინგებს, რომ მოწინავე პოზიციებზე ვართ ყველა მიმართულებით და კიდევ ჩვენ გვეუბნებიან, რომ უკუსვლის პროცესში ვართ, - განაცხადა თავდაცვისა და უშიშროების კომიტეტის თავმჯდომარის მოადგილემ თენგიზ შარმანაშვილმა.

დეპუტატი გამოეხმაურა ევროპარლამენტის მიერ გავრცელებულ გაფრთხილებას, რომ „საქართველოს მმართველი პარტიის „ქართული ოცნების“ პირობებში, დემოკრატიული უკუსვლის და ანტიევროპული, რუსული სტილის დეზინფორმაციის გამო, ქვეყანა ევროკავშირში გაწევრების გზას შორდება“.

„ასეთ დამოკიდებულებას ქართული სახელმწიფო ვერ აიტანს, როდესაც ყოველგვარი დასაბუთების გარეშე ასეთი ნარატივებით ესაუბრებიან, და მერე თავადვე აქვეყნებენ ისეთ მონაცემებს, სადაც ლიდერები ვართ“, - აღნიშნა შარმანაშვილმა.