თენგიზ შარმანაშვილი: მამუკა მდინარაძის პოლიტიკაში მობრუნება ძალიან არ ესიამოვნა ოპოზიციას, რადგან მათ კარგად იციან რა წონის ფიგურაა, რისი გაკეთება და ორგანიზება შეუძლია და იციან, რომ საქართველოს საკეთილდღეოდ უკან არაფერზე დაიხევს
მამუკა მდინარაძის პოლიტიკაში მობრუნება ძალიან არ ესიამოვნა ოპოზიციას, რადგან მათ ძალიან კარგად იციან რა წონის ფიგურაა, რისი გაკეთება და ორგანიზება შეუძლია, როგორი ანალიზი შეუძლია და საქართველოს საკეთილდღეოდ უკან რომ არაფერზე დაიხევს ესეც იციან, - განუცხადა „ქრონიკას“ თავდაცვისა და უშიშროების კომიტეტის თავმჯდომარის პირველმა მოადგილე თენგიზ შარმანაშვილმა.
მისივე თქმით, ოპოზიციის რეაქცია არის პოლიტიკური სასოწარკვეთილება, რადგან არ მოეწონათ ასეთი ფიგურის პოლიტიკაში დაბრუნება.
„ეს არის პოლიტიკური სასოწარკვეთილება, მათ არ მოეწონათ ასეთი ფიგურის პოლიტიკაში უკან მობრუნება“, - აღნიშნა თენგიზ შარმანაშვილმა.
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ კანონპროექტში ცვლილებებს პარლამენტი დღეს დაამტკიცებს, რის შემდეგაც მამუკა მდინარაძე მინისტრთა კაბინეტს შეუერთდება.
