თენგიზ შარმანაშვილი მოლდოვაზე: ჩვენი საგარეო საქმეთა მინისტრი ინტერნეტის ეპოქაში მოახერხებს ინფორმაციის რაღაც ფორმით გავრცელებას. ამით ვერაფერს შეაფერხებენ. უბრალოდ, კიდევ ერთხელ, თავი უხერხულ მდგომარეობაში ჩაიყენეს

ჩვენი საგარეო საქმეთა მინისტრი ინტერნეტის ეპოქაში მოახერხებს ინფორმაციის რაღაც ფორმით გავრცელებას. ამით ვერაფერს შეაფერხებენ. უბრალოდ, კიდევ ერთხელ, თავი უხერხულ მდგომარეობაში ჩაიყენეს, - განაცხადა პარლამენტის თავდაცვისა და უსაფრთხოების კომიტეტის თავმჯდომარის პირველმა მოადგილემ, თენგიზ შარმანაშვილმა მოლდოვას გადაწყვეტილებაზე, რომ ქართული სამი მედია-საშაულება ევროპის საბჭოს მინისტრთა კომიტეტის 135-ე სესიას არ გააშუქებენ.

„იმ ნარატივის გაგრძელებაა, რომ ვინაიდან შენ იმ დღის წესრიგით არ მოქმედებ, მე შენ ამის საშუალებას არ მოგცემ. ალბათ, ისიცაა, რომ მძაფრი რეაქციის გამოწვევა ხომ არ უნდოდათ - ჩვენს საგარეო საქმეთა მინისტრს უარი ეთქვა, მოლდოვაში ჩასვლაზე. რა თქმა უნდა, ამას ვერ ეღირსებიან. ასეთი ბავშვური გამოხტომები ჩვენ არ გვაქვს. ჩვენი საგარეო საქმეთა მინისტრი ინტერნეტის ეპოქაში მოახერხებს ინფორმაციის რაღაც ფორმით გავრცელებას. ამით ვერაფერს შეაფერხებენ. უბრალოდ, კიდევ ერთხელ, თავი უხერხულ მდგომარეობაში ჩაიყენეს.

რაც შეეხება მოლდოვას, ბალტიის ქვეყნებს, ჩვენ ყველას ვეუბნებით, რომ ჩვენ არავისთან არ ვამწვავებთ და ცალმხრივი მეგობრობის რეჟიმს ვინარჩუნებთ, მაგრამ მეხსიერება გვაქვს და გვახსოვს“, - აღნიშნა თენგიზ შარმანაშვილმა.

ევროპარლამენტმა ტელეკომპანია „იმედს” საქმიანობა ერთი წლით აუკრძალა, მოლდოვამ კი სამ ქართულ მაუწყებელს: „იმედს”, „რუსთავი 2“-სა და „პოს ტვ“-ის, აკრედიტაციაზე უარი განმარტების გარეშე უთხრა.