თენგიზ შარმანაშვილი: ზოგიერთი ოპოზიციონერი საერთოდ არ არის საქმის კურსში და დირექტივები აღარ მოსდის, ამიტომ უყურებენ ვინ რა განცხადებას აკეთებს, უცებ ხვდებიან სიომ საიდან შეიძლება დაუბეროს და უნდათ, რომ ამას აჰყვნენ

ზოგიერთი ოპოზიციონერი საერთოდ არ არის საქმის კურსში და დირექტივები აღარ მოსდის, ამიტომ უყურებენ ვინ რა განცხადებას აკეთებს, უცებ ხვდებიან სიომ საიდან შეიძლება დაუბეროს და უნდათ, რომ ამას აჰყვნენ. იმ სიტუაციიდან გამომდინარე აკეთებენ სრულიად რადიკალურად განსხვავებულ განცხადებას, ვიდრე ორი კვირის წინ აკეთებდნენ, - განუცხადა „დღის ქრონიკას“ თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ, თენგიზ შარმანაშვილმა ოპოზიციაზე საუბრისას.

მისივე თქმით, ოპოზიციის ზოგიერთ წარმომადგენელს არ მიუღია დირექტივა და ისევ იმ ძველ ხაზს მიჰყვება, რომელიც დაუკვეთეს უცხოეთიდან.

„ამ ინტერესების შეჯახება ხდება ერთმანეთთან, ამას ემატება პიროვნული აუტანლობა, რომელსაც ყოველ დღე ვუყურებთ და რომელიც ხანდახან უზრდელობაშიც კი გადადის, ასევე ინტერესების კონფლიქტი. ძირითადი კონფლიქტი არის ის, რომ ყველა ლიდერს, ვინც არის იქ გაერთიანებული თავი წარმოუდგენია, რომ ის არის მთავარი ძალა და ეს შემდეგში ბევრ სხვადასხვა საკითხთან არის დაკავშირებული.

თუ წარმოაჩენენ, რომ ისინი არიან მთავარი ოპოზიციური ძალა, მათთან მივა ყველა დახმარება, როგორც ფინანსური, ასევე პოლიტიკური. მაგრამ ზოგადად იმდენად დეზორგანიზებულები არიან, რომ რაიმე სახის სერიოზული საკითხის მათთან ერთად დაგეგმვა და მითუმეტეს განხორციელება წარმოუდგენელია“, - აღნიშნა თენგიზ შარმანაშვილმა.