თეთრი სახლი: მიუღებელია, როცა ნატოს მდიდარი მოკავშირეები ტერორისტების მიერ ფინანსურ, ლოგისტიკურ და რეკრუტირების ცენტრებად გამოიყენება

აშშ-ის პრეზიდენტის, დონალდ ტრამპის ადმინისტრაციამ ტერორიზმთან ბრძოლის ახალ ეროვნულ სტრატეგიაში ნატოს მოკავშირეები კიდევ ერთხელ გააკრიტიკა და ბრალი დასდო იმაში, რომ ხშირად ტერორისტები მათ ტერიტორიებს ფინანსურ, ლოგისტიკურ და რეკრუტირების ცენტრებად იყენებენ.

„დანაშაულებრივი სუბიექტების, „ალ-ქაედას“, „ისლამური სახელმწიფოს“, კარტელებისა და სახელმწიფო სტრუქტურების სხვა წარმომადგენლებმა, ისარგებლეს რა ევროპის სუსტი საზღვრებით, ტერორიზმთან ბრძოლის სფეროში შეზღუდული რესურსებით და ევროპა ევროპელებისა და ამერიკელების წინააღმდეგ შეთქმულებების მოსაწყობად ხელსაყრელ გარემოდ აქციეს. მიუღებელია, როცა ნატოს მდიდარ მოკავშირეებს ტერორისტები ფინანსურ, ლოგისტიკურ და რეკრუტირების ცენტრებად იყენებენ“, - აღნიშნულია დოკუმენტში.

ევროპას კიდევ აქვს შესაძლებლობა შეცვალოს საკუთარი ინდივიდუალური და კოლექტიური ბედი ტერორიზმთან ბრძოლის კუთხით, თუ ის რეალურ საფრთხეს გაიაზრებს და ახლავე იმოქმედებს, დასძინეს თეთრ სახლში.