The New York Times: დონალდ ტრამპმა კონგრესს ოფიციალურად აცნობა, რომ ირანში საბრძოლო მოქმედებები განახლდა

აშშ-ის პრეზიდენტმა, დონალდ ტრამპმა კონგრესს ოფიციალურად აცნობა, რომ ირანში საბრძოლო მოქმედებები განახლდა. ინფორმაციას ამის შესახებ გამოცემა The New York Times-ი ავრცელებს.

პარასკევს კონგრესის ლიდერებისთვის გაგზავნილ წერილში, რომელიც The New York Times-ისთვის ორშაბათს გახდა ცნობილი, პრეზიდენტი განმარტავს, რომ 7 ივლისს ამერიკულმა ძალებმა „ირანის ტერიტორიაზე განლაგებულ სამიზნეებზე თავდაცვითი დარტყმები“ განახორციელეს.

აღნიშნული შეტყობინება კიდევ უფრო ამწვავებს დაპირისპირებას კაპიტოლიუმსა და თეთრ სახლს შორის პრეზიდენტის უფლებამოსილების ირგვლივ - აქვს თუ არა მას კონგრესის თანხმობის გარეშე ირანში ომის გაგრძელების უფლება.

ორივე პალატამ უკვე მიიღო რეზოლუცია, რომელიც პრეზიდენტს ომის შეწყვეტას ან საომარი მოქმედებების გასაგრძელებლად საკანონმდებლო ორგანოს თანხმობის მოპოვებას ავალდებულებს, თუმცა თეთრი სახლი კვლავ ამტკიცებს, რომ პრეზიდენტი თავისი, როგორც მთავარსარდლის, კონსტიტუციური უფლებამოსილების ფარგლებში მოქმედებს.