The Telegraph: დონალდ ტრამპის გეგმების თანახმად, რომელიც ამჟამად განიხილება, ფეხმძიმე ქალებს შესაძლოა აშშ-ში შესვლა აეკრძალოთ

დონალდ ტრამპის გეგმების თანახმად, რომელიც ამჟამად განიხილება, ფეხმძიმე ქალებს შესაძლოა აშშ-ში შესვლა აეკრძალოთ, - წერს ბრიტანული გამოცემა The Telegraph-ი.

თეთრი სახლი ამ ნაბიჯს მას შემდეგ განიხილავს, რაც ორშაბათს აშშ-ის უზენაესმა სასამართლომ უარყო პრეზიდენტის მცდელობა, გაეუქმებინა „დაბადებით მოქალაქეობის“ პრინციპი - კონსტიტუციური ცნება, რომელიც აშშ-ში დაბადებულ ყველა ბავშვს მოქალაქეობას ანიჭებს.

შესაძლო აკრძალვა იქნებოდა „სამშობიარო ტურიზმის“ შეზღუდვისკენ მიმართული კიდევ ერთი მცდელობა. ტრამპის ადმინისტრაციის განცხადებით, ეს პრაქტიკა უცხოელებს საშუალებას აძლევს, ორსულობის გვიან პერიოდში აშშ-ში გაემგზავრონ და საკუთარ შვილებს ამერიკის მოქალაქეობა მოუპოვონ.

მიუხედავად იმისა, რომ ეს პრაქტიკა არსებობს, ექსპერტები აცხადებენ, რომ ის აშშ-ში დაბადებულთა საერთო რაოდენობის უმნიშვნელო ნაწილს შეადგენს.

ტრამპის ადმინისტრაცია ამტკიცებს, რომ დაბადებით მოქალაქეობის უფლება ახალისებს არალეგალურ მიგრაციას და „აჯილდოებს არალეგალებს“.

პრეზიდენტის უფროსმა მრჩეველმა, სტივენ მილერმა განაცხადა, რომ თეთრი სახლი „სერიოზულად განიხილავს“ ფეხმძიმე უცხოელი ქალებისთვის აშშ-ში გამგზავრების აკრძალვის საკითხს.