The Washington Post-ი გიორგი კანდელაკის „კვლევაზე“ დაყრდნობით აქვეყნებს სტატიას და ამტკიცებს, თითქოს საქართველო ირანის ორბიტაზე გადადის, ასევე, წერს, რომ საქართველოს მთავრობა „ღიად ცდილობს ამერიკის ერთ-ერთ ყველაზე სასტიკ მტერთან დაახლოებას“

ამერიკული გამოცემა The Washington Post-ი საქართველოს შესახებ აქვეყნებს სტატიას, სათაურით „აშშ-ის ყოფილი მოკავშირე ირანის ორბიტაზე გადადის“.

აღსანიშნავია, რომ საქართველოში ირანულ გავლენაზე საუბრის ნაწილში სტატიის ავტორებს მოყვანილი ჰყავთ „ჰადსონის ინსტიტუტის“ ბოლო ანგარიში, რაზე დაყრდნობითაც ისინი წერენ, რომ „ქართული ოცნების“ მთავრობამ ირანს „საქართველოში რელიგიური სკოლების, ახალგაზრდული ორგანიზაციების, საქველმოქმედო ორგანიზაციების საფარქვეშ მოქმედი სტრუქტურებისა და გამოცემების ქსელის შექმნის საშუალება მისცა, რომლის სამიზნეც საქართველოს ეთნიკურად აზერბაიჯანელი, შიიტი უმცირესობაა“.

უნდა აღინიშნოს, რომ „ჰადსონის ინსტიტუტის“ ბოლო ანგარიში ოპოზიციონერ გიორგი კანდელაკის „კვლევას“ წარმოადგენს.

The Washington Post აგრეთვე წერს, თითქოს საქართველოში ამჟამად არის მთავრობა, რომელიც „ღიად ცდილობს ამერიკის ერთ-ერთ ყველაზე სასტიკ მტერთან დაახლოებას“.