თიბისი კაპიტალის მთავარი ეკონომისტი: მონეტარული პოლიტიკის განაკვეთის ზრდის არგუმენტები, რა თქმა უნდა, ძალიან ძლიერია
ახლო-აღმოსავლეთში მიმდინარე მოვლენებმა გამოიწვია საერთაშორისო მასშტაბით ფასების ზრდა და ამ მხრივ არც საქართველოა გამონაკლისი , - აღნიშნულის შესახებ საქართველოს ეროვნული ბანკის მონეტარული პოლიტიკის გადაწყვეტილების შეფასებისას თიბისი კაპიტალის მთავარმა ეკონომისტმა ოთარ ნადარაიამ განაცხადა.
„როგორც სებ-ის ინფორმაციაშია აღნიშნული, საბოლოო სცენარი ითვალისწინებს გარკვეულ პერიოდში ესკალაციის შემცირებას, თუმცა ასეც თუ მოხდა ფასებზე ზეგავლენა გარკვეული პერიოდის განმავლობაში მაინც იქნება გაზრდილი“, - აღნიშნა ოთარ ნადარაიამ.
მისი შეფასებით მონეტარული პოლიტიკის განაკვეთის ზრდის მიმართულებით არსებული აგუმენტები საკმაოდ ძლიერია.
„ჩვენი პროგნოზით, დაახლოებით 8%-ზე შეიძლებოდა შენარჩუნებულიყო მონეტარული პოლიტიკის განაკვეთი, თუმცა ზრდის არგუმენტები რა თქმა უნდა ძალიან ძლიერია. ეს ზომიერი ზრდა არის, მცირე მასშტაბით მოხდა აწევა განაკვეთის. ძალიან მნიშვნელოვანია რაც პრეს-რელიზშია აღნიშნული რომ სებ-ისთვის ინფლაცია არის პრიორიტეტი და გაზრდილ ინფლაციაზე ცენტრალური ბანკი რეაგირებს, რაც რა თქმა უნდა ინფლაციის მოლოდინების კუთხით არის მნიშვნელოვანი“, - განაცხადა თიბისი კაპიტალის მთავარმა ეკონომისტმა.
იმედი
წყარო: imedinews.ge