თორნიკე ჭეიშვილი: რადიკალურ ოპოზიციას ყველაფერი, რაც დადებითაც შეიძლება აისახოს ჩვენი ქვეყნის უსაფრთხოების გაძლიერებაზე, პოლიტიკურ ალერგიას მართებთ

მათ ზოგადად ყველაფერი, რაც დადებითაც შეიძლება აისახოს ჩვენი ქვეყნის უსაფრთხოების გაძლიერებაზე, პოლიტიკურ ალერგიას მართებთ, - განაცხადა იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა.

მისი თქმით, სახელმწიფო მინისტრის პოზიციაზე მამუკა მდინარაძის დამტკიცება ძალიან არ მოსწონს რადიკალურ ოპოზიციას.

„ეს ამბავი ძალიან არ მოსწონს რადიკალურ ოპოზიციას. მათ ზოგადად ყველაფერი, რაც დადებითაც შეიძლება აისახოს ჩვენი ქვეყნის უსაფრთხოების გაძლიერებაზე, პოლიტიკურ ალერგიას მართებთ. ვხედავთ, რომ ძალიან განიცდიან იმ ამბავს, რომ სწორედ ბატონი მამუკა მდინარაძე იქნება სახელმწიფო მინისტრი, რომელიც განახორციელებს კოორდინაციას სამართალდამცავ უწყებებთან“, - აღნიშნა ჭეიშვილმა.

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ კანონპროექტში ცვლილებებს პარლამენტი დღეს დაამტკიცებს.