ტრამპი: აშშ-მა ანაზღაურება უნდა მიიღოს იმ ქვეყნებისგან, რომლებსაც ჩვენ ვეხმარებით ირანთან კონფლიქტში

აშშ-ის პრეზიდენტმა, დონალდ ტრამპმა ორშაბათს განაცხადა, რომ აშშ-მა ანაზღაურება უნდა მიიღოს „იმ ქვეყნებისგან, რომლებსაც ჩვენ ვეხმარებით“ ირანთან კონფლიქტში და ამასთანავე, რეგიონში მოკავშირე რამდენიმე ქვეყანა დაასახელა.

„მინდა, რომ ხარჯები აგვინაზღაურონ, რადგან ვიცავთ მსოფლიოს ძალიან მდიდარ რეგიონს“, - განაცხადა მან. „ჩვენ ფულს ვხარჯავთ და შესაბამისად, ჩვენი გადაწყვეტილებაა - უსაფრთხოების უზრუნველყოფისთვის ანაზღაურებას მივიღებთ“.

„ეს თანხა ჩვენ არ გვჭირდება, თუმცა მოკავშირეების დაცვის კუთხით აუცილებელია“, - დასძინა მან და ხაზი გაუსვა, რომ აშშ-მა „ძალიან ეფექტურად“ შეასრულა თავისი მოვალეობა ისრაელის, საუდის არაბეთის, კატარისა და არაბთა გაერთიანებული საამიროების დაცვის საქმეში.