ტრამპი: ჩვენ ან შეთანხმებას დავდებთ ირანთან, ან საქმეს ბოლომდე მივიყვანთ, გასაგებია? - და საქმის ბოლომდე მიყვანა რთული არ იქნება

აშშ-ის პრეზიდენტმა, დონალდ ტრამპმა განაცხადა, რომ აშშ ან მიაღწევს შეთანხმებას ირანთან, ან „დაასრულებს საქმეს“.

აშშ-სა და ირანს შორის მიმდინარე ირიბი მოლაპარაკებები გასულ კვირას დასრულდა მდგრადი მშვიდობისკენ წინსვლის რაიმე საჯარო ნიშნის გარეშე, მიუხედავად 60-დღიანი ცეცხლის შეწყვეტის რეჟიმისა, რომელიც დიპლომატიისთვის სივრცის შექმნას ისახავს მიზნად.

„ჩვენ ან შეთანხმებას დავდებთ, ან საქმეს ბოლომდე მივიყვანთ. გასაგებია? და საქმის ბოლომდე მიყვანა რთული არ იქნება. მირჩევნია, შეთანხმებას მივაღწიო, რადგან არ მინდა, 91 მილიონი ადამიანის ბედი დაზარალდეს“, - განუცხადა ტრამპმა ჟურნალისტებს ოვალურ კაბინეტში.

„ჩვენ შეგვიძლია ერთ საათში დავუნგრიოთ ხიდები, შეგვიძლია გავუთიშოთ ენერგომომარაგება... მათ ახლა ფული არ აქვთ. ჩვენ მათთვის არანაირი თანხა არ მიგვიცია“, - დასძინა მან.