ტრამპი იორდანიაში დაღუპულ ამერიკელ ჯარისკაცებზე: ისინი დაიღუპნენ, რადგან არ სურდათ, ირანს ბირთვული იარაღი ჰქონოდა და არ სურდათ, რომ ახლო აღმოსავლეთი განადგურებულიყო

ირანის მიერ იორდანიაზე განხორციელებული თავდასხმების შედეგად, 2 ამერიკელი სამხედროს დაღუპვას შეერთებული შტატების პრეზიდენტი გამოეხმაურა და ფაქტს სამწუხარო უწოდა. განცხადება დონალდ ტრამპმა გამოცემა New York Post-თან სატელეფონო ინტერვიუში გააკეთა.

„ოდესმე გიკითხავთ, რამდენი ადამიანი დაიღუპა ვიეტნამში? ოდესმე გიკითხავთ, რამდენი ადამიანი იღუპებოდა ავღანეთში ყოველ დღე? ეს სამწუხაროა, მაგრამ ამ შემთხვევაში ისინი დაიღუპნენ, რადგან არ სურდათ, ირანს ბირთვული იარაღი ჰქონოდა და არ სურდათ, რომ ახლო აღმოსავლეთი განადგურებულიყო“, - განაცხადა ტრამპმა.