ტრამპი: ირანი ძალიან სერიოზულად დაზარალდა. სამხედრო თვალსაზრისით თითქმის ყველაფერი დაკარგეს
დონალდ ტრამპი აცხადებს, რომ შეერთებულმა შტატებმა ირანს მნიშვნელოვანი ზიანი მიაყენა და აღნიშნა, რომ დარტყმები გაგრძელდება. მედიასთან საუბრისას შტატების პრეზიდენტმა ახლო აღმოსავლეთში ამერიკელი სამხედროების დაღუპვის გამო მწუხარება კიდევ ერთხელ გამოთქვა. ტრამპი ცენტრალური სარდლობის მიერ გავრცელებულ ცნობას გამოეხმაურა, რომლის მიხედვითაც ირანის მიერ იორდანიაში ამერიკულ ბაზაზე მიტანილი იერიშის შედეგად კიდევ ორი სამხედრო დაიღუპა. საერთო ჯამში ირანთან დაწყებული ომის მიმდინარეობისას 17 ამერიკელი სამხედროა დაღუპული.
„ძალიან ვწუხვართ, თუმცა ეს შესანიშნავი ადამიანები, ეს დიდი პატრიოტები, იქ იბრძვიან იმისთვის, რომ ირანს ბირთვული იარაღი არ ჰქონდეს. ირანი ძალიან, ძალიან სერიოზულად დაზარალდა. სამხედრო თვალსაზრისით თითქმის ყველაფერი დაკარგეს. მათ ძალიან ცოტა რესურსი დარჩათ. ჩვენ ვაკონტროლებთ სრუტეს, ისინი არაფერს აკონტროლებენ. ასე რომ, ვნახავთ რა იქნება. იერიშები გრძელდება“, - განაცხადა ტრამპმა.
იმედი
წყარო: imedinews.ge