ტრამპი წარმომადგენელთა პალატის მიერ მისთვის საომარი უფლებამოსილების შეზღუდვის შესახებ გადაწყვეტილებას არაპატრიოტულ საქციელს უწოდებს

აშშ-ის პრეზიდენტი დონალდ ტრამპი თავის სოციალურ წარმომადგენელთა პალატის მიერ მისთვის იმ უფლებამოსილების შეზღუდვას გამოეხმაურა, რომელიც მას ირანის წინააღმდეგ ომის კონგრესის თანხმობის გარეშე გაგრძელების საშუალებას აძლევდა.

როგორც ტრამპი წერს, კანონმდებლების აღნიშნული ნაბიჯი არის არაპატრიოტული. თეთრი სახლის ლიდერი ყურადღებას ამახვილებს იმაზეც, რომ ახლა ირანთან მოლაპარაკებები გადამწყვეტ სტადიაშია შესული.

„გუშინ სრულიად უაზრო კენჭისყრაზე წარმომადგენელთა პალატამ, ოთხმა საშინელი „რესპუბლიკელისა“ და „დემოკრატების“ ჩათვლით, ხმა მისცა ჩემი საომარი უფლებამოსილების შეზღუდვას, თანაც ზუსტად იმ დროს, როდესაც ირანის ისლამურ რესპუბლიკასთან ომის დასასრულებლად საბოლოო მოლაპარაკებებს ვაწარმოებ. ვინ ჩაიდენდა ასეთ არაპატრიოტულ საქციელს? მათ კარგად იციან, თუ რა ეტაპზეა მოლაპარაკებები. დემოკრატებს „ტრამპის გადარეულობის სინდრომი“ ამოძრავებთ. მათ ურჩევნიათ ჩვენი ქვეყანა დამარცხდეს, ვიდრე მორიგი, მრავალთაგან ერთ-ერთი, გამარჯვება მომანიჭონ. ის ოთხი რესპუბლიკელი კი სულ სხვა ისტორიაა - ისინი უბრალოდ პოპულისტები არიან! მათ უნდა რცხვენოდეთ თავიანთი საქციელის“, - დაწერა ტრამპმა.