ტრამპმა განაცხადა, რომ ნავთობკომპანიები, მათ შორის Chevron-ი და ExxonMobil-ი, ირანის ომით გამოწვეული ფასების ნახტომის ფონზე „დიდ მოგებას იღებენ“
აშშ-ის პრეზიდენტმა, დონალდ ტრამპმა განაცხადა, რომ ნავთობკომპანიები, მათ შორის Chevron-ი და ExxonMobil-ი, ირანის ომით გამოწვეული ფასების ნახტომის ფონზე „დიდ მოგებას იღებენ“.
„ისინი ძალიან ბევრ ფულს აკეთებენ. დეფიციტის ხარჯზე ასეთი კოლოსალური მოგების მიღება არ მომწონს - არადა, წესით, ბოლო ადამიანი უნდა ვიყო, ვინც ამას იტყვის, რადგან თავისუფალი ბაზრის უდიდესი მხარდამჭერი ვარ“, - განუცხადა ტრამპმა ჟურნალისტებს ოვალურ კაბინეტში.
„ჩემზე მეტად თავისუფალ მეწარმეობას არავინ ემხრობა. იცით, როდესაც ირანის საკითხს დავასრულებთ, ნახავთ, ნავთობის ფასები როგორ რადიკალურად დაეცემა. თუმცა მათ მაინც ძალიან ბევრი ფული იშოვეს, გადაჭარბებულად ბევრი. Chevron-მა - ძალიან ბევრი, ExxonMobil-მაც - ზედმეტად ბევრი“, - დასძინა მან.
ExxonMobil-მა და Chevron-მა - ამერიკის ორმა უმსხვილესმა ენერგოგიგანტმა - გასულ კვირას რეკორდული მოგების შესახებ განაცხადეს, რაც აშშ-ირანის ომით გამოწვეულმა გლობალური ფასების მკვეთრმა ზრდამ განაპირობა.
იმედი
წყარო: imedinews.ge