წყალბურთში საქართველოს თასის ფინალი „დინამომ“ მოიგო

წყალბურთში საქართველოს თასის ფინალი „დინამომ“ მოიგო. დედაქალაქის გუნდმა „ოლიმპიკის“ აუზზე ქვეყნის მოქმედი ჩემპიონი „აპოლო“ 20-19 დაამარცხა.

მატჩის ძირითადი დრო ფრედ - 15-15 დასრულდა, გამარჯვებულის ბედი კი პენალტების სერიაში გადაწყდა, სადაც „დინამომ“ ხუთივე დარტყმა ზუსტად გამოიყენა, „აპოლოს“ წყალბურთელ ვუკიჩევიჩს კი მეკარემ აჯობა.

საქართველოს თასი წელს პირველად ჩატარდა და მასში 8 გუნდი მონაწილეობდა.