უკრაინამ რუსეთის ტყვეობაში მყოფი 205 სამხედრო მოსამსახურე დაიბრუნა

უკრაინულმა მხარემ რუსეთის ტყვეობაში მყოფი 205 უკრაინელი სამხედრო დაიბრუნა. ინფორმაციას უკრაინის პრეზიდენტი, ვოლოდიმირ ზელენსკი „ტელეგრამის“ საკუთარ არხზე ავრცელებს.

როგორც ზელენსკიმ აღნიშნა, ტყვეების დაბრუნება რუსულ მხარესთან ადრე მიღწეული შეთახმების ფარგლებში მოხდა, რომელიც ტყვეების გაცვლას „ათასი ათასზე“ პარიტეტით გულისხმობს.

„გათავისუფლებულთა შორის არიან რიგითები, სერჟანტები და ოფიცრები. მათი უმეტესობა რუსულ ტყვეობაში ჯერ კიდევ 2022 წლიდან იმყოფებოდა“, - დაწერა ზელენსკიმ.

გათავისუფლებულთა შორის არიან ქალაქ მარიუპოლში მდებარე ქარხანა „აზოვსტალის“ დამცველები, აგრეთვე მებრძოლები, რომლებიც ომობდნენ დონეცკის, ლუგანსკის, ხარკოვის, ხერსონის, ზაპოროჟიეს, სუმის, კიევისა და ჩერნობილის ატომური ელექტროსადგურის მიმართულებით.