უკრაინის მთავრობაში საკადრო ცვლილებები დაიწყო

უკრაინაში საკადრო ცვლილებები დაიწყო, უკრაინის პრემიერ-მინისტრმა, თანამდებობის დატოვების შესახებ განაცხადა. იულია სვირიდენკოს გადადგომის გადაწყვეტილებას წინ პრეზიდენტის განცხადება უძღოდა, რომელმაც მინისტრთა კაბინეტში ცვლილებები დააანონსა. ზელენსკის განცხადებით, უკრაინა პოლიტიკურ სტრატეგიას ცვლის და განახლებული პოლიტიკური სტრატეგიის განხორციელების უზრუნველსაყოფად საკადრო ცვლილებები დაიწყება.

„დეტალები უკრაინის პრემიერ-მინისტრ იულია სვირიდენკოსთან განვიხილეთ. დავადგინეთ, რომ ეს ცვლილებები მინისტრთა კაბინეტის განახლებას მოითხოვს. მადლობელი ვარ იულიასი პრემიერ-მინისტრის თანამდებობაზე მისი მკაფიო, სტაბილური და ეფექტური მუშაობისთვის, უკრაინის გუნდში მრავალწლიანი პროდუქტიული სამსახურისთვის და შევთავაზე მას შესაძლებლობა, უხელმძღვანელოს ურთიერთობების ახალ და მნიშვნელოვან სფეროს მთავარ პარტნიორთან. ველოდები, რომ პარლამენტის წევრებთან ერთად, შესაბამის ცვლილებებს განვახორციელებთ უკრაინის მთავრობაში. ცვლილებები ასევე იქნება სამართალდამცავი ორგანოების ხელმძღვანელებში“, - განაცხადა ზელენსკიმ.