უკრაინის პრეზიდენტის ოფისის ხელმძღვანელმა პროტესტის ნიშნად პოლონურ ჯილდოზე უარი თქვა

უკრაინის პრეზიდენტის ოფისის ხელმძღვანელმა კირილ ბუდანოვმა გასულ წელს მისთვის გადაცემულ პოლონეთის წინაშე დამსახურებისთვის „ოფიცრის ოქროს ჯვარზე“ უარი თქვა.

როგორც ბუდანოვმა სოციალურ ქსელში ვიდეომიმართვის დროს აღნიშნა, მან ეს გადაწყვეტილება მას შემდეგ მიიღო, რაც პოლონეთის პრეზიდენტმა კაროლ ნავროცკიმ გუშინ უკრაინის პრეზიდენტს ვოლოდიმირ ზელენსკის „თეთრი არწივის“ ორდენი ჩამოართვა. ასეთი გადაწყვეტილება განპირობებული იყო იმით, რომ ზელენსკიმ ერთ-ერთ უკრაინულ სამხედრო ქვედანაყოფს „უკრაინის მეამბოხე არმიის გმირების“ სახელი მიანიჭა. პოლონეთში ფიქრობენ, რომ „უკრაინის მეამბოხე არმია“ ვოლინის ტრაგედიასთან არის დაკავშირებული.

„უარს ვაცხადებ პოლონეთის წინაშე დამსახურებისთვის „ოფიცრის ოქროს ჯვარზე“, რომლითაც გასულ წელს პოლონეთის პრეზიდენტმა დამაჯილდოვა. დარწმუნებული ვარ, რომ უკრაინული საზოგადოება - სამხედროები და სამოქალაქო პირები - იგივე ემოციებს განიცდიან და აღნიშნულ ნაბიჯს მხარს დაუჭერენ“, - განაცხადა ბუდანოვმა.

მანამდე პროტესტის ნიშნად პოლონურ ჯილდოებზე უარი თქვეს უკრაინის საგარეო საქმეთა ანდრეი სიბიგამ და პოლონეთში უკრაინის ელჩმა ვასილ ბონდარმა.