უკრაინის სასამართლომ ანდრეი ერმაკს კორუფციულ საქმეზე წინასწარი პატიმრობა შეუფარდა
უკრაინის უმაღლესმა ანტიკორუფციულმა სასამართლომ პრეზიდენტ ვოლოდიმირ ზელენსკის ოფისის ყოფილ ხელმძღვანელს, ანდრეი ერმაკს კორუფციულ საქმეზე აღმკვეთი ღონისძიების სახით წინასწარი პატიმრობა შეუფარდა. ინფორმაციას უკრაინული მედია ავრცელებს.
სასამართლომ პატიმრობის ვადა 60 დღით განსაზღვრა. თუმცა, ერმაკს აქვს უფლება 140 მილიონი გრივნის გირაოს გადახდის შემთხვევაში საპატიმრო დატოვოს.
თუ ერმაკი გირაოს გადაიხდის, ის გარეთ გამოვა, თუმცა მას კიევის დატოვების უფლება არ ექნება. ზელენსკის ოფისის ყოფილი ხელმძღვანელი ვალდებული იქნება ელექტრონული სამაჯური ატაროს და გამოკითხვებზე გამოცხადდეს. მას პასპორტის ჩაბარებაც მოუწევს.
ცნობისთვის, რამდენიმე დღის წინ პრეზიდენტ ვოლოდიმირ ზელენსკის ოფისის ყოფილ ხელმძღვანელს, ანდრეი ერმაკს მასშტაბური კორუფციული გამოძიების ფარგლებში ბრალი წარედგინა. ერმაკის მიმართ გამოძიება მიმდინარეობს 100 მილიონი დოლარის ღირებულების კორუფციულ სქემასთან დაკავშირებით, რომელიც სახელმწიფო ბირთვულ მონოპოლისტ „ენერგოატომს“ უკავშირდება.
იმედი
წყარო: imedinews.ge