უკრაინის შეიარაღებული ძალების მთავარსარდალი: რუსეთს შეუძლია ბრიანსკის ოლქიდან ჩერნიგოვის ოლქის მიმართულებით შეტევა წამოიწყოს

რუსეთს შეუძლია ბრიანსკის ოლქიდან ჩერნიგოვის ოლქის მიმართულებით შეტევა წამოიწყოს. ამის შესახებ უკრაინის შეიარაღებული ძალების მთავარსარდალმა, ოლექსანდრ სირსკიმ განაცხადა.

მისი თქმით, რუსეთის გენერალური შტაბი მოქმედების რამდენიმე ვარიანტს განიხილავს.

„შესაძლებელია საოკუპაციო ძალების შეტევითი მოქმედებები ჩრდილოეთით, რუსეთის ტერიტორიიდან, ბრიანსკის ოლქიდან. ეს რეალისტური ვარიანტია და, რა თქმა უნდა, ჩვენ ამისთვის ვემზადებით“, - აღნიშნა სირსკიმ.

მისი თქმით, საუბარი არ არის კიევზე შეტევაზე, არამედ სწორედ ჩერნიგოვის ოლქის ხელში ჩაგდებაზე.

„ტერიტორიის დაპყრობის, სიღრმეში წინსვლისა და ჩვენი ჯარების ნაწილის ძირითადი, მნიშვნელოვანი მიმართულებებიდან გადასროლის მიზნით. მათ შორის იმ მიმართულებებიდან, სადაც ჩვენ აქტიურ მოქმედებებს ვაწარმოებთ“, - განაცხადა მან.