უფროსი სპეციალური მასწავლებლისა და საბაზო პროფესიული უნარების საგამოცდო ტესტების აპრობაციის პროცესი წარმატებით დასრულდა

შეფასებისა და გამოცდების ეროვნულმა ცენტრმა უფროსი სპეციალური მასწავლებლისა და საბაზო პროფესიული უნარების საგამოცდო ტესტების აპრობაცია მთელი საქართველოს მასშტაბით 2026 წლის აპრილში ჩაატარა.

ტესტირების პროცესში მონაწილეობა დაახლოებით 1100-მა მსურველმა მიიღო. აპრობაციის მიზანს საგამოცდო ტესტური დავალებების ხარისხის შეფასება, მათი შინაარსობრივი დახვეწა და საგამოცდო ტესტისათვის ისეთი დავალებების შერჩევა წარმოადგენდა, რომლებიც მაღალი ფსიქომეტრული მახასიათებლებით, სანდოობითა და ვალიდურობით გამოირჩევა და უზრუნველყოფს შეფასების პროცესის ობიექტურობასა და სიზუსტეს.

უფროსი სპეციალური მასწავლებლის საცდელი ტესტის მაქსიმალური ქულა 51-ს შეადგენს, ხოლო საბაზო პროფესიული უნარების საცდელი ტესტის მაქსიმალური ქულა - 47-ს. საცდელი ტესტირების შედეგად მიღებული მონაცემები ხელს შეუწყობს სანდო, ვალიდური და ობიექტური საგამოცდო ტესტების შემუშავებას.

უფროსი სპეციალური მასწავლებლისა და საბაზო პროფესიული უნარების საგამოცდო ტესტების აპრობაციის შედეგები ხელმისაწვდომია ვებგვერდზე - http://bit.ly/4wAFSYF

ინფორმაციას შეფასებისა და გამოცდების ეროვნული ცენტრი ავრცელებს.