ურსულა ფონ დერ ლაიენი: დღეს ევროკავშირმა გადადგა უმნიშვნელოვანესი ნაბიჯი - წევრმა სახელმწიფოებმა ერთხმად დაუჭირეს მხარი უკრაინასა და მოლდოვასთან ევროკავშირში გაწევრიანების შესახებ მოლაპარაკებების პირველი ეტაპის გახსნას
დღეს ევროკავშირმა გადადგა უმნიშვნელოვანესი ნაბიჯი - წევრმა სახელმწიფოებმა ერთხმად დაუჭირეს მხარი უკრაინასა და მოლდოვასთან ევროკავშირში გაწევრიანების შესახებ მოლაპარაკებების პირველი ეტაპის გახსნას, - განაცხადა ევროკომისიის პრეზიდენტმა, ურსულა ფონ დერ ლაიენმა.
„ორშაბათს, პირველ სამთავრობათაშორისო კონფერენციაზე, ჩვენ გავხსნით ძირითად საკითხთა კლასტერს, რომელიც გაწევრიანების პროცესის ქვაკუთხედს წარმოადგენს.
ეს კლასტერი მოიცავს იმ ძირითად ღირებულებებსა და პრინციპებს, რომლებზეც ევროკავშირია დაფუძნებული - კანონის უზენაესობიდან დაწყებული, ძლიერი დემოკრატიული ინსტიტუტებით დასრულებული.
ეს არის იმ შეუპოვრობის, სიმამაცისა და შრომის აღიარება, რომელიც ორივე ქვეყანამ რეფორმების გატარების გზაზე, უდიდესი გამოწვევების მიუხედავადაც კი გამოიჩინა.
ეს ასევე არის ნიშანი იმისა, რომ მშვიდობის, სტაბილურობისა და შესაძლებლობების ის შეთავაზება, რომელსაც ევროკავშირი აკეთებს, შეუდარებელია.
გაფართოება სტრატეგიული არჩევანია. ჩვენი ხალხების დაახლოებით, ჩვენ ვაძლიერებთ მშვიდობას, უსაფრთხოებასა და კეთილდღეობას მთელ კონტინენტზე.
მზარდი გაურკვევლობით მოცულ სამყაროში, უფრო დიდი ევროკავშირი ჩვენს საერთო ინტერესებშია. გაფართოება კვლავაც რჩება ევროკავშირის ერთ-ერთ უდიდეს წარმატებად და საუკეთესო ინვესტიციად ჩვენს საერთო მომავალში“, - აღნიშნა მან.
იმედი
წყარო: imedinews.ge