ვახტანგ ცაგარელი ქუთაისის საერთაშორისო უნივერსიტეტზე: უკვე მიმდინარეობს ზონირების და დამტკიცებული მასტერ გეგმის მიხედვით გაფართოება, რაც არის სტუდენტური საცხოვრებლები, აკადემიური და ადმინისტრაციული კორპუსები. მალე დასრულდება ცენტრალური ბიბლიოთეკა

უკვე მიმდინარეობს ზონირების და დამტკიცებული მასტერ გეგმის მიხედვით გაფართოება, რაც არის სტუდენტური საცხოვრებლები, აკადემიური და ადმინისტრაციული კორპუსები. მალე დასრულდება ცენტრალური ბიბლიოთეკა და შევა ექსპლუატაციაში ახალი შენობა, რომელიც იქნება შუქურა ჩვენი კამპუსის, - განაცხადა გადაცემაში „იმედი კვირა“ ქუთაისის საერთაშორისო უნივერსიტეტის აღმასრულებელმა დირექტორმა ვახტანგ ცაგარელმა ქუთაისის საერთაშორისო უნივერსიტეტის განვითარებაზე საუბრისას.

ვახტანგ ცაგარელმა ასევე ისაუბრა პროტონული, იგივე ადრონული თერაპიის ცენტრის ჩამოყალიბებაზე და თქვა, რომ აღნიშნული პროექტი დაუბრუნებს საქართველოს ინოვაციების, კვლევებისა და მედიცინის კერის ისტორიულ მისიას.

„აღნიშნული პროექტი დაუბრუნებს საქართველოს ინოვაციების, კვლევებისა და მეცნიერების კერის ისტორიულ მისიასა და როლს და გააჩენს მას მსოფლიო აკადემიურ, სამედიცინო, ტექნოლოგიურ რუკაზე“, - განმარტა ცაგარელმა.