ვარლამ ლიპარტელიანი „ქართული ოცნების“ ახალგაზრდული ორგანიზაციის შეხვედრებზე რეგიონებში: ძალიან საინტერესო შეხვედრა გვექნება გამომდინარე იქიდან, რომ წინა შეხვედრებმა საკმაოდ აქტიურად ჩაიარა. იყო ყველაზე დიდი მოთხოვნა ახალგაზრდულ სივრცეებთან დაკავშირებით, ასევე, ვისაუბრეთ გეოპოლიტიკურ მდგომარეობაზე, მშვიდობის მნიშვნელობაზე

„ქართული ოცნების“ ახალგაზრდული ორგანიზაცია რეგიონებში შეხვედრებს მართავს. რიგით მეათე შეხვედრა წყალტუბოში გაიმართება.

როგორც „ქართული ოცნების“ ახალგაზრდული ორგანიზაციის თავმჯდომარემ ვარლამ ლიპარტელიანმა აღნიშნა, შეხვედრების დროს საუბარი დასაქმებას და გეოპოლიტიკურ ვითარებას ეხება.

„ძალიან საინტერესო შეხვედრა გვექნება გამომდინარე იქიდან, რომ წინა შეხვედრებმა საკმაოდ აქტიურად ჩაიარა. ძალიან კმაყოფილები იყვნენ ახალგაზრდები, ყველა შეხვედრაზე იმატებდა დამსწრეების რაოდენობა და ეს რა თქმა უნდა მეტყველებს იმაზე, რომ სურვილი ძალიან დიდია. იყო ყველაზე დიდი მოთხოვნა ახალგაზრდულ სივრცეებთან დაკავშირებით, ასევე, ვისაუბრეთ გეოპოლიტიკურ მდგომარეობაზე, მშვიდობის მნიშვნელობაზე. მათ დასაქმებასთან დაკავშირებით, რეგიონებთან დაკავშირებით, რომ არ მოხდეს მათი გამოდინება ქალაქისკენ. ჩვენ შევეცდებით, რომ მაქსიმალურად ახლოს ვიყოთ ხალხთან, რაც შეიძლება გათვალისწინებული იყოს მათი აზრები. აუცილებელია კომუნიკაცია, მით უმეტეს ვიცით, რომ ბოლო პერიოდში პოლარიზაცია იყო გაღვივებული და ჩვენ შევეცადეთ და შევეცდებით მომავალშიც, რომ მაქსიმალურად გავხსნათ დიალოგის საშუალება“, - განაცხადა ვარლამ ლიპარტელიანმა.