ვატო შაქარიშვილი: ხელისუფლების დღევანდელი საგარეო პრიორიტეტები საფრთხის შემცველია

ხელისუფლების დღევანდელი საგარეო პრიორიტეტები საფრთხის შემცველია, - განაცხადა „ერთიანი ნეიტრალური საქართველოს" აღმასრულებელმა მდივანმა ვატო შაქარიშვილმა.

მისი თქმით, ნაცვლად იმისა, რომ დიპლომატია მომართული იყოს ნეიტრალიტეტის დამკვიდრებისკენ გლობალურ დღის წესრიგში, მთავარ საგარეო პრიორიტეტად კვლავ ევროკავშირისკენ მისწრაფება რჩება.

„ხელისუფლების დღევანდელი საგარეო პრიორიტეტები საფრთხის შემცველია. ნაცვლად იმისა, რომ ჩვენი დიპლომატია მომართული იყოს ნეიტრალიტეტის დამკვიდრებისკენ გლობალურ დღის წესრიგში, ვხედავთ რომ მთავარ საგარეო პრიორიტეტად კვლავ ევროკავშირისკენ მისწრაფება რჩება. იმ გაერთიანებისკენ, სადაც სხვა არაერთ ნეგატიურ ფაქტორთან ერთად უმთავრესი გახლავთ ის, რომ ეს არის ომში მყოფი გაერთიანება, რომელიც სამხრეთ კავკასიას განიხილავდა რუსეთის წინააღმდეგ ერთ-ერთ მთავარ ფორპოსტად. საქართველოდან ვერ მოახერხეს მათ რეგიონის არევა და დესტაბილიზაცია. ახლა ვხედავთ, რომ გადაინაცვლეს ჩვენი მეზობელი სომხეთისკენ“, - აღნიშნა ვატო შაქარიშვილმა.

„ერთიანმა ნეიტრალურმა საქართველომ“ დღეს განცხადება გაავრცელა.